Sobre a revista

Enfoque e alcance

ABRIU é unha revista científica de periodicidade anual editada por Estudis Gallecs i Portuguesos (Universitat de Barcelona) que cumpre cos estándares da revisión por pares cegos e vai dirixida á comunidade académica e investigadora. O seu obxectivo é ofrecer un espazo para o análise e debate da textualidade nas culturas que se expresan en galego e portugués (literatura, cinema, tradución, artes escénicas, música...) desde unha perspectiva metodolóxica plural.  De acordo con este obxectivo, en Abriu publícanse artigos de investigación orixinais, documentos inéditos ou recuperados e comentarios de libros de ensaio e traducións.

Cada número consta de catro seccións:

  • Monográfico: dossier temático que admite artigos seguindo a chamada que se fai pública con antelación para cada número. A revista encarga a coordinación a unha persoa especialista no tema.
  • Miscelánea: inclúe artigos de temática diversa no ámbito dos estudos brasileiros, galegos, portugueses e doutros ámbitos xeográficos de lingua portuguesa.
  • Espazo aberto: recolle a edición de documentos e textos recuperados, inéditos ou de difícil acceso, acompañados de comentarios que os contextualizan e analizan o seu valor e significado. Tamén pode dar cabida a textos de homenaxe, semblanzas, reflexións sobre eventos significativos, autopoéticas, etc.
  • Recensións críticas de libros: comentarios críticos de libros de carácter académico (monografías, edicións críticas, traduccións...)

 

Proceso de avaliación por pares

A revista ABRIU admite propostas —só textos orixinais— para todas as seccións: Monográfico, Miscelánea, Espazo Aberto e Recensións. Todos os textos do Monográfico e a Miscelánea pasan por un sistema de arbitraxe confidencial e anónimo (double-blind peer review) cun mínimo de dúas avaliacións externas de carácter metodolóxico e de estilo. O consello editorial valora as avaliacións recibidas e envíallas ao autor/á autora coa decisión provisional sobre a súa publicación, así como as modificación e/ou modificacións que se teñen que facer (correccións, réplicas e decisión definitiva sobre a publicación) nun prazo máximo de 6 meses.
O consello editorial encarga a coordinación da sección Monográfico a especialistas.

 

Frecuencia de publicación

ABRIU é unha publicación científica de periodicidade anual. Data de publicación: outubro (números 6 a 8: terceiro trimestre).

 

Política de acceso libre

ABRIU proporciona acceso libre inmediato aos seus contidos baseándose no principio de que o feito de poñer a investigación a disposición do público de maneira gratuita favorece o intercambio global de coñecemento.

Ademais, a revista pódese adquirir como e-book no web de Publicacions i Edicions de la Universitat de Barcelona.

 

Declaración de boas prácticas en igualdade de xénero

ABRIU promove boas prácticas para a igualdade de xénero e, polo tanto, fomenta a inclusión da categoría "xénero" na investigación e o uso dunha linguaxe inclusiva. Así mesmo, anima a incluír información sobre os datos orixinais da investigación teñen en conta o xénero, para permitir a identificación de posibles diferenzas.

 

Historia da revista

Revista creada por Estudis Gallecs i Portuguesos (Estudos Galegos e Portugueses) o ano 2012. Do número 7 ao 10 coeditouse coa Cátedra José Saramago da Universitat Autònoma de Barcelona.

ABRIU foi dirixida por: Helena González Fernández (2012-2019); María Xesús Lama López e Jordi Cerdà Subirachs (2020 e 2021); María Xesús Lama López (2022 e 2023); María Xesús Lama López and Rodrigo Herrera Alfaya (2024-).

Membros anteriores do consello de redacción: Sabela Labraña (2012-2013); María Dolores Villanueva Gesteira (2014-2019); Eva García (secretaria, 2015-2018).